Katresnan
Katresnan iku
geguritaning urip sejati, pepadange sakjroning pepeteng, biso digawe nanging
ora biso digawe-gawe.
Katresnan iku
kasunyatan ngedohi tumindak dudu kayadene: drengki, srei, dahwen lan pati open.
Katresnan iku
larang regane ora biso dituku lan ditiru sarana bandha donya lan raja brana liyane,
jalaran toh-tohane Nyawa.
Katresnan iku
dalan kang tumuju marang bebener, kebak deneng rasa lan pepadhang lila lan
legawa lair tumusing bathin kaya dene gegodhongan kang gogrok saka uwit ora
ngarep-arep bakal baline melu ngrasakake panandhanging liyan.
Katresnan iku
ora mbedak-bedakake cendhek duwuring pangkat asor luhuring drajat lan
gegebengane urip kang rinasuk ananing mung welas lan asih suka pitulung marang
sapa bae.
*** Sesepuh Pinisepuh Ngandika
Gendhing Asmaradhana
LARE NGGUNUNG
Senadyan kulo lare nggunungTeden kulo sekul jagung
Tebeh ratu caket watu
Nanging manah tetep kukuh
Nuntut ilmu, mugi kasembadan ingkang ginayuh
Raos kulo gembira ing manah
Saget nulis lan moco wonten sekolah
Bapak Ibu Guru kulo nyuwun pangestu
Mugi gusti paring idi menopo ingkang dados
Idamaning ati…Aamiin.
Leksono,
Januari 1985 - 2015
Sinau Ngelmu
Jare simbah aku kudu sekolah
Kareben dadi bocah genah mrenah ora nggladrah
Jare rama lan ibu aku kudu sregep mangkat
Kareben dadi wong pangkat urip ora kesrakat mlarat
Jare bapak lan ibu guru aku kudu sinau tambah ilmu
Kareben kelakon kabeh kang tinuju.
Esok awan wengi aku sinau
Kanggo nentoake cita-citaku
Ora ana wektu kanggo nyenengake atiku
Nanging semangatku nyagak sinau
Aku sinau sedina-dina
Tansah ngestokake dhawuhe wong tuwa
Takdua sak kabehing gada
Aku kudu entuk juwara
Oooh… gusti
Paringana rido awak mami
Supaya aku sesok bakti negri
Marakabi mring sesami
Oooh.. abot kaya ngene angele
Nanging aku kudu bisa nelak'ake
Kanggo ngimbangi rekasane wong tuwa
Bapak, Ibu ben lega atine
Putrane bisa Kabul gegayuhane, Aamiin.
Tidak ada komentar:
Posting Komentar